RESIDENTE

“Residente”, é un rapeiro, compositor e produtor portorriqueño, cofundador e vocalista de Calle 13. As súas letras recoñécense por ter un gran contido social e político, e a súa música por combinar a música do mundo co rap alternativo. É un dos artistas máis importantes do noso tempo, e como líder de Calle 13 conseguiu 25 Grammys, converténdoo no latino con máis megáfonos dourados de toda a historia xunto a Juanes e Juan Luis Guerra. Estudou arte durante 8 anos e traballou como director nalgúns dos seus vídeos musicais.

Recibiu recoñecementos polo seu compromiso social, ademais de ser a cara en campañas de UNICEF e Amnistía Internacional, xa que foi sempre un gran defensor da educación latinoamericana e os dereitos dos indíxenas. Foi censurado no seu país por insultar publicamente ao gobernador de Puerto Rico cando despediu a máis de trinta mil empregados públicos. Por todo isto, Residente recibiu o Nobel Peace Summit Award en Barcelona polo seu compromiso coa concienciación social e por promover a paz. Todo isto axúdanos bastante a facernos unha idea clara do que é Residente e a súa música.